About Rekha ji:-

Mujhe lagta hai Duniya mein aisa koi saksh nahi hai jo Rekha ji ka fan naa ho. Wo ek aisi Adakaara hai, ek aisi abhinetri hai jinhe har koi chahta hai ki wo unse mile, unse baat kare aur unhe unka Aashirwaad mile .

Aur iss mamle mein Main khud ko bahut Bhagyashaali samajhta hun ki mujhe unke saath stage share karne ka mouka mila.
Aaj Meri unse ek jaan pehchaan hai,  Dosti hai.

Rekha ji aur meri pehli mulkaat tab hui jab wo hamare Marthi Taraka show ke 100 show mein as a Guest aayi , isse pehle maine kaafi baar koshish ki  untak pahunchne ke liye lekin main kaamyaab nahi raha.

Magar jab Asha Tai bhonsle ji ne Rekha ji ko mere baare bataya ki main bahut struggle karke aage aaya hun toh Rekha ji ko bahut accha laga aur unhone turant mere program mein aane ko haan keh diya.

Yeh hum sab jaante hai ki Rekha ji tak pahunchna bahut mushkil hai , Magar ek baar aap untak pahunche ho aur unko aapka swabhaw accha lagta hai aur  agar unhe aapke gun acche lagte  hain toh Rekha ji uske sar par haath rakhti hain, use Aashirwaad deti hain , wo turant usse dosti kar leti hain.

Rekha ji dil ki bahut acchi hain, bahut hi nek aur saaf hain, wo hamesha aapko badhawa deti hai, co-operate karti hain, Agar kisi ko dosti karni seekhni ho toh wo sirf Rekha ji seekhe, maine Jab bhi unko apne e program mein bulaya hai tab tab wo aayi aur unhone hamari Marathi Taraikao ka  kaafi hosla badhaya hai.

Rekha ji se milne par aisa bilkul nahi lagta ki wo ek super star hain, wo bahut hi down to earth hain, unse milte hue aisa lagta hai ki hum apne hi ghar ke kisi member ko mil rahe hain.

Really she is so sweet. Wo hamesha dusro ka bahut khayal rakhti hain hamare show mein jab wo aayi toh unhone gaane bhi gaye, hamari marathi heroines ko unhone nachaya bhi. Ye sab dekhkar bahut hi  achha laga aur ek apne pan ka ehsaas hua.

Marathi Taraka ke program mein wo Jis tarah se senior Choreographer Saroj ji se mili wo bahut hi khaas tha . Wo Saroj ji  ke barabar mein na baithkar balki neeche baithi. Unka aisa karna sabhi ke dil ko chu gaya.

Rekha ji har kisi ko respect deti hain , unki films dekhkar hi hum bade hue hain aur Aaj jab unse milte hain toh bahut hi khushi hoti hai .

Mujhe unse milne ka , unse baat karne ka mouka mila toh mere liye isse badi baat aur kya ho sakti hai,  main hamesha upar wale ko shukriya ada karta hun jinke aashirwaad se mujhe Rekha ji se milne ka mouka mila.

Rekha ji hamari shubh-chinkak hai, meri Prabhu se prathna hai ki wo unhe hamesha khush rakhe, salamat rakhe.

About Our Organisation:-

Mujhe bahut hi khushi hai ki aap aur aapki Sanstha Rekha ji jaisi mahan abhinetri aur insaan par kafi lambe samay se kaam kar rahe hain, Unki Yatra aur Janmdin ko har saal manate aa rahe hain. Aapke iss pyar aur Zazbe ko main Salaam karta hun.

Meri shubhkaamna hai ki aap aise hi aage bhi kaam karte rahen aur logo mein pyar baante rahe.