Kishore Sawant

Mere Father Ramchandra swant Rekha ji ke Makeup man unki pehli film sawan Bhadon se the. Father ki death hone ke baad phir main Rekha ji ka Makeup man bana.

Rekha ji ke saath maine 5 saal lagataar kaam kiya. Kaam ke maamle mein wo bahut hi professional hain, waqt ko lekar wo bahut hi paband hain, Time par aana aur time par jana unki aadat hai.

Wo kaam ke maamle mein kabhi bhi compromise nahi karti. Mujhe abhi bhi yaad hai Udaypur mein film Phool bane Angaaray ke climax scene mein wo running Ghode (horse) se gir gayi thi . yeh sab dekhkar aisa laga ki ab packup ho jayega lekin Rekha ji ne half an hour ka rest liya aur phir se shooting shuru karwayi, aisa sirf Rekha ji hi kar sakti thi.

Agar baat makeup ki jaye toh unka apna alag hi style hai. Wo apne lips ke makeup par sabse jyada dhyan deti hain, Lipstick ke color ko lekar wo bahut jyada focus rehti hain, dusra focus wo apne eyebrow par karti hain. Aamtaur par eyebrow fill karte hain magar Rekha ji aisa nahi karti wo strokes banwati hain.

Undoubtedly She is the most beautiful Actress of Industry.